Newsdhar - खबर रास्ट्रको लागि

ग्यासको अभाव देखिन थालेपछि बजारमा बढ्न थाल्यो विद्युतीय चुलोको कारोबार

पछिल्लो समय पश्चिम एशियाली राष्ट्रहरूमा युद्धका कारण विकसित भएको तनाव र पेट्रोलियम पदार्थ र खाना पकाउने एलपी ग्यासको अभाव देखिन थालेपछि उपभोक्ताहरू क्रमशः विद्युतीय चुलोतर्फ आकर्षित हुन थालेका छन्।

भन्सार विभागकाअनुसार चालु आर्थिक वर्ष २०८२र८३ को पहिलो आठ महिना ९साउनदेखि फागुन मसान्तसम्म० मा नेपालमा विभिन्न प्रकारका १ लाख ४७ हजार ८ सय ६४ वटा विद्युतीय चुलो आयात भएका छन्।

यीमध्ये सबैभन्दा बढी माग इन्डक्सन चुलोमा देखिएको छ। उक्त अवधिमा १ लाख ४ हजार ७ सय १७ वटा इन्डक्सन चुलो नेपाल भित्रिएको तथ्यांकले देखाउँछ।

त्यस्तै, इन्फ्रारेड चुलोको आयात पनि उल्लेख्य रहेको छ, जसअन्तर्गत ४२ हजार २ सय १८ वटा चुलो आयात गरिएको छ।

इन्डक्सन र इन्फ्रारेडबाहेक अन्य प्रकारका विद्युतीय चुलो भने जम्मा ९ सय २९ वटा मात्र आयात भएका छन्।

आर्थिक दृष्टिले हेर्दा, यी चुलो आयातका लागि ठूलो रकम विदेशिएको छ। आठ महिनाको अवधिमा आयात भएका चुलोको कुल मूल्य ३० करोड ४१ लाख १२ हजार रुपैयाँ पुगेको छ।

यसमध्ये इन्डक्सन चुलोको मात्र मूल्य २२ करोड २७ लाख ४ हजार रुपैयाँ रहेको छ भने इन्फ्रारेड चुलोको मूल्य ७ करोड ६७ लाख ७ हजार रुपैयाँ छ।

काठमाडौँको महाबौद्धमा विद्युतीय उपकरणहरुको होलसेल बिक्री गर्दै आएका किरण श्रेष्ठकाअनुसार अन्य समयमा पनि यस्तो विद्युतीय चुलोको बिक्री भई रहने भएपनि अहिलेको अवस्थामा यसको बिक्री ५० देखि ७० प्रतिशत बढेको जानकारी दिए ।

‘हामीले पहिले पनि बिक्री गर्दै आएका हौं तर अहिले बजारमा ग्यासको अभाव हुने कुराले गर्दा होला अहिले इन्डक्सन र इन्फ्रारेड चुलोको माग बढेको छ,’ उनले भने ।

यी विद्युतीय चुलोको आयातबाट सरकारले ४ करोड ३३ लाख ७ हजार रुपैयाँ राजस्व संकलन गरेको पनि विभागले जनाएको छ।

अंग्रेजी नयाँ वर्ष मनाउने पर्यटकले कन्याम र अन्तु भरीभराउ

अंग्रेजी नयाँ वर्ष २०२६ मनाउने पर्यटकले स्वदेशी तथा विदेशी पर्यटकको रोजाइका गन्तव्य कन्याम र अन्तु भरीभराउ भएका छन् ।

बाह्रै महिना पर्यटकले भरीभराउ हुने कन्याम र अन्तुमा अंग्रेजी नयाँ वर्ष मनाउन यस पटक पनि पर्यटक उल्लेखीय सङ्ख्यामा आउदा यहाँका पर्यटकीयस्थल भरीभराउ भएका हुन् ।

कन्याम र अन्तु आउने पर्यटकले अग्रिम होटल तथा होमस्टे बुकिङ गरेका छन् ।

नेपाल र भारतीय पर्यटकले अग्रिम रुपमा होटल, होमस्टे बुकिङ गरिसकेका छन् । गत वर्ष पनि अंग्रेजी नयाँ वर्षमा पर्यटकले यी क्षेत्र भरीभराउन थिए

सधैँ भिड हुने यी क्षेत्रमा अङ्ग्रेजी नयाँ वर्ष मनाउन आउने पर्यटकको चाप बढने र कोठा नपाइने भए पछि पर्यटकले अग्रिम बुकिङ गरेको अन्तु पर्यटन व्यावसायी संघका अध्यक्ष रुद्र घिमिरेले जानकारी दिए ।

उनका अनुसार अन्तुका अधिकांश होटल, होमस्टे तथा कटेज मङ्गलबारदेखि शनिबारसम्मका लागि बुकिङ भइसकेका छन् ।

घिमिरेले भने, ‘अङ्ग्रेजी नयाँ वर्ष मनाउन आउने पर्यटक यसपाली ६५ प्रतिशत बढी भारतीय छन् ।’’

छिमेकी देश भारतको सिक्किम, मिरिक, सिलीगुडी, दार्जिलिङ र पश्चिम बंगालका पर्यटकले होटल बुक गरिसकेका छन् ।

अन्तुमा ६४ बढी सामुदायीक तथा नीजि होमस्टे छन् । सानाठूला गरी ५० बढी होटल तथा कटेज सञ्चालनमा रहेका छन् ।

बंगाली पर्यटकले पछिल्लो समय अन्तु, कन्याम रोज्ने गरेको पाइन्छ ।

अन्तुमा पर्यटक झुल्केघामको दृश्यावलोक गर्न आउने गरेका छन् । यस्तै अन्तु पोखरीमा डुंगा सयर गर्न र घोडचढी गरी चिया बगान डुल्न पर्यटक रुचाउ छन् ।

अन्तुबाट कञ्चनजङ्घा, कुम्भकर्णसहितका हिमालका दृश्यावलोकन गर्न सकिन्छ ।

चियावारी र फुलवारी भित्र चिटिक्कै सजाइएका काठका घर अनि स्थानीय उत्पादनको स्वाद चखाउदै चलाइएका होमस्टेले पर्यटकलाई तान्ने गरेको होमस्टे व्यवसायी धनकुमार आलेले जानकारी दिए ।

अन्तु आउनु भएका स्वदेशी पर्यटक गोकुल काफ्लेले जति पटक आए पनि अन्तु र कन्याम आइरहुलाग्ने बताउँछन् ।

अन्तुमा तीन हजार पाँच सयदेखि चार हजार पर्यटकले अग्रिम रुपमा होटल बकिङ गरिसकेको व्यवसायी संघका अध्यक्ष घिमिरेले जानकारी दिए ।

कन्याम पनि अङ्ग्रजी नयाँ वर्ष मनाउने पर्यटकले खचाखच छ ।

पर्यटकले अहिले कन्याम समेत भरीभराउ भएको कन्यामका होटल व्यवसायी टेकराज गिरीले जानकारी दिए ।

‘‘ढिलो गर्दा कोठा पाइदैन भनेर पर्यटकले अग्रिम बुकिङ गरेका हुँन ।,’’ व्यवसायी गिरीले भने ।

बिगत ५र६ वर्षदेखि अङ्ग्रेजी नयाँ वर्ष पर्वकै रुपमा यहाँ मनाउन थालिएको छ ।

सीमावर्ती दुई छिमेकी देशका पर्यटकले नेपाली र अङ्ग्रेजी दुबै नयाँ वर्ष उल्लासका साथ मनाउने क्रम बढेको छ ।

कन्याममा भ्रमणमा आउने र बनभोजका लागि आउने पर्यटक बढी छन भने बङ्गाली पर्यटक समेत उल्लेखिय सङ्ख्यामा आएका छन् ।

कन्याममा चियाबारीमा रमाउने पर्यटक बढी भेटिन्छन् । विभिन्न जातजातीको भेषभुषामा सजिएर तस्बिर खिचाउनेदेखि चियाको स्वाद चाख्नसम्म पर्यटक आउने गरेका छन् ।

सूर्योदय नगरपालिकाले कन्याममा पर्यटकलाई लक्षित गरी सेल्फी पार्क, टिकटक पार्क र नीजि लगानीमा स्काई वल्क समेत निर्माण गरिएको छ । पर्यटक राति अवेरसम्म कन्याममा रमाउने गरेका छन् ।

सूर्योदय नगरपालिकाका नगर प्रमुख रणबहादुर राईले स्वदेशी पर्यटकको रोजाइमा परेको अन्तु र कन्याममा पछिल्लो समय भारतीय पर्यटकको समेत आकर्षण बढेको बताए ।

अङ्ग्रेजी नयाँ वर्ष मनाउने पर्यटकले इलामको उच्च हिमाली क्षेत्र सन्दकपुर समेत खचाखच छ ।

आजका समाचार