विश्वविद्यालय र विद्यालयबाट २ महिनाभित्र दलीय विद्यार्थी संगठन हटाउने सरकारको निर्णय
१३ साउन २०८३, बुधवार
प्रहरीको ३० वर्षे सेवा अवधिबारेको अन्तरिम आदेश खारेज, पुरानै व्यवस्था लागू
प्रहरीमा ३० वर्षे सेवा अवधि कार्यान्वयन नगर्न सर्वोच्च अदालतबाट जारी भएको अन्तरिम आदेश खारेज भएको छ । शुक्रवार न्यायाधीशद्वय विनोद शर्मा र शारंगा सुवेदीको संयुक्त इजलासले यसअघि दिएको अन्तरिम आदेश खारेज गरेको हो ।
प्रहरीमा ३० वर्षे सेवा अवधि हटाउन माग गर्दै दायर रिटमा गत भदौ ६ गते न्यायाधीश हरिप्रसाद फुयालको एकल इजलासले अन्तरिम आदेश जारी गरिदिएको थियो । अन्तरिम आदेशबाट उमेर हद नपुगी ३० वर्षे सेवा अवधिकै कारण अवकाशको पत्र दिएको भए कार्यान्वयन नगर्नु भनी आदेश भएको थियो ।
सर्वोच्चको अन्तरिम आदेश नमिलेको भन्दै उक्त आदेश खारेजीका लागि गृह मन्त्रालयका तत्कालीन सचिव ९हाल मुख्यसचिव० एकनारायण अर्यालले बुधवार भ्याकेट निवेदन दर्ता गराएका थिए । सो निवेदनपछि बिहीबार न्यायाधीशद्वय डा। नहकुल सुवेदी र विनोद शर्माको इजलासले दुवै पक्षलाई शुक्रवारका लागि छलफलमा बोलाएको थियो ।
शुक्रवारको सुनुवाइपछि इजलासले यसअघि एक न्यायाधीशको इजलासबाट भएको अन्तरिम आदेश खारेज गरिदिएको हो । अन्तरिम आदेश खारेज भएसँगै अब पुरानै व्यवस्था बमोजिम प्रहरी नियमावली अनुसार अवकाश हुनेछ ।
Follow us on Facebook
Follow us on Twitter
Follow us on Instagram