विश्वविद्यालय र विद्यालयबाट २ महिनाभित्र दलीय विद्यार्थी संगठन हटाउने सरकारको निर्णय
१४ साउन २०८३, बिहिवार
आज पनि काठमाडौं विश्वकै पहिलो प्रदूषित शहर, सम्भावित वर्षाले घट्ने प्रक्षेपण
विश्वकै प्रदूषित सहरको सूचीमा काठमाडौं आज बुधबार पनि पहिलो स्थानमै परेको छ । आज बिहान ६ः४५ बजेको मापनअनुसार काठमाडौंको एक्यूआई १८४ रहेको छ । मंगलबार बिहान ७ बजेको मापनमा काठमाडौंको एक्यूआई २६२ थियो ।
मंगलबारको तुलनामा प्रदूषण केही कम भए पनि यसलाई पनि स्वास्थ्यको दृष्टिकोणले खराब नै मानिन्छ । ५० सम्मको एक्यूआईलाई मात्र स्वस्थ मान्ने गरिएको छ ।
हावामा पीएम २।५ को मात्रा विश्व स्वास्थ्य संगठनले तोकेको मापदण्डभन्दा २०।४ गुणा बढी रहेको छ ।
काठमाडौंपछि भारतको नयाँ दिल्ली दोस्रो तथा चीनको वुहान तेस्रो स्थानमा रहेको छ । त्यसपछि शीर्ष १० स्थानमा क्रमशः युगान्डाको कामपाला, इन्डोनेसियाको जकार्ता, इराकको बगदाद, भियतनामको हानोई, चीनको छेङ्दु, पाकिस्तानको लाहोर र चीनको सांघाई सहर रहेका छन् ।
उता, पूर्वी तराईमा मेघगर्जन र चट्याङसहित भारी वर्षा भएको छ । बुधबार बिहानदेखि नै पूर्वी तराईको झापा, मोरङलगायत जिल्लामा भीषण वर्षा भएको हो । वर्षा नहुँदा नेपालमा वायु प्रदूषण बढेको छ ।
जल तथा मौसम विज्ञान विभागका अनुसार, आज काठमाडौंमा पनि वर्षाको सम्भावना छ । ‘काठमाडौंमा पनि आज वर्षाको सम्भावना छ । अपराह्नपछि काठमाडौंमा हल्का वर्षाको सम्भावना देखिएको छ,’ मौसमविद् रोजन लामिछानेले भने ।
Follow us on Facebook
Follow us on Twitter
Follow us on Instagram