विश्वविद्यालय र विद्यालयबाट २ महिनाभित्र दलीय विद्यार्थी संगठन हटाउने सरकारको निर्णय
१४ साउन २०८३, बिहिवार
जाँचबुझ आयोगले रविसँग सोधपुछ गर्दै
राष्ट्रिय स्वतन्त्र पार्टी ९रास्वपा० का सभापति रवि लामिछानेलाई उच्चस्तरीय जाँचबुझ आयोगले सोधपुछका लागि आज बुधबार बोलाएको छ ।
गौरीबहादुर कार्कीको नेतृत्वमा रहेको आयोगले जेनजी आन्दोलनको क्रममा लामिछाने नख्खु कारागारबाट बाहिर निस्किएको घटनाबारे बुझ्न उनलाई दिउँसो १ बजे सिंहदरबारस्थित आयोगको कार्यालयमा उपस्थित हुन निर्देशन दिएको हो ।
सहकारी संस्थाको रकम हिनामिना प्रकरणमा मुछिएर पुर्पक्षका लागि कारागारमा रहेका बेला लामिछाने २४ भदौमा अन्य कैदी बन्दीसँगै ‘असुरक्षाको कारण’ भन्दै कारागारबाट बाहिरिएका थिए । त्यस बेला कारागार प्रशासनले दिएको भनिएको पत्रको वैधतामाथि समेत शंका उठेको थियो ।
घटनापछि लामिछाने पुनः कारागार फर्किएका थिए । सो घटनाको अध्ययनका लागि आयोगको टोली सोमबार नख्खु कारागार पुगेको थियो । त्यसअघि आयोगले कारागार प्रमुख सत्यराज जोशीसँग बयान लिएको थियो ।
Follow us on Facebook
Follow us on Twitter
Follow us on Instagram